Հանրապետության տարածքում առաջիկա օրերին սպասվում են ձյան տեղումներ:
Հունվարի 27-28-ին շրջանների զգալի մասում, 29-ին` արևելյան շրջաններում, 30-ին` երեկոյան ժամերին արևմտյան շրջաններում, 31-ին ամենուրեք սպասվում է ձյուն, տեղ-տեղ` մառախուղ:
Հունվարի 30-ի գիշերը կդիտվի առանց տեղումների եղանակ: Հունվարի 27-28-ին, նաև ամսի 31-ին առանձին վայրերում սպասվում է քամու ուժգնացում 15-20մ/վրկ, լեռներում և լեռնանցքներում` բուք: Օդի ջերմաստիճանը 29-ին կնվազի 4-6, 30-ի գիշերը` ևս 2-4 աստիճանով, իսկ հունվարի 31-ի գիշերը ջերմաստիճանը կբարձրանա 6-9 աստիճանով:
Երևանում հունվարի 27-28-ի և 30-ի երեկոյան ժամերին և 31-ին ժամանակ առ ժամանակ սպասվում են տեղումներ, 27-28-ի ցերեկը հնարավոր է ձնախառն անձրև: Հունվարի 29-ին և 30-ի գիշերը սպասվում է առանց տեղումների եղանակ:
Երևան քաղաքի հունվարի 27-ի բազմամյա կլիմայական տվյալները հետևալն են` օդի առավելագույն ջերմաստիճան 13.20C (1924թ.), օդի նվազագույն ջերմաստիճան` -23.3 0C (1937թ.), օդի միջին օրական ջերմաստիճան -4.7 0C: