Աշխարհի բախտավորները Դանիայի և Շվեյցարիայի բնակիչներն են

Ինչպես հայտնում է Наша Газета-ն, սոցիոլոգների հետազոտությունների արդյունքում պարզվել է, որ Դանիայի և Շվեյցարիայի բնակիչներն իրենց համարում են աշխարհի ամենաերջանիկ մարդիկ: Հարցման արդյունքում, որն իրականացրել է Isopublic հասարակական կարծիքի հետազոտության ինստիտուտը դեկտեմբեր ամսվա ընթացքում, պարզել է, որ հարցվածների 78%-ը իրենց կյանքից գոհ են:
Երջանիկների ցանկում են նաև մյուս եվրոպացիները` ֆինները, ավստրիացիները, բելգիացիները, ինչպես նաև աշխարհի զարգացած և խոշոր երկրները, ինչպիսիք են` Կանադան և ԱՄՆ-ն: Հայաստանի մասին տեղեկություններ չկան, բայց վստահ ենք, որ դժբախտների թվում առաջիններից կլինեինք:
Հարցվածները պետք է պատասխանեին միայն մեկ հարցի. «Որքա՞ն երջանիկ եք դուք. գնահատեք դա 1-ից 10-ը բալային սանդղակով»: 1-ը նշանակում էր ընդհանրապես դժգոհ, իսկ 10-ը` լիովին գոհ:
Ըստ հետազոտությունների` երջանիկ երկրների ցուցակն ունի այսպիսի տեսք.
8,3 բալ – Շվեյցարիա և Դանիա
7,9 բալ – Ֆինլանդիա
7,8 բալ – Կանադա
7,7 բալ – Ավստրալիա
7,6 բալ – Ավստրիա
7,5 բալ – Բրազիլիա
7,4 բալ – ԱՄՆ
7,3 բալ – Բելգիա
7,1 բալ – Գերմանիա և Մեծ Բրիտանիա
6,7 բալ – Իտալիա
6,6 բալ – Ֆրանսիա
6,4 բալ – Հունաստան
6,3 բալ – Չինաստան