Ինչպես հայտնում է NewsGeorgia կայքը, Սևիլիայի համալսարանի իսպանացի գիտնականները կարծում են, որ երկրագնդի ցամաքային մակերեսի մի մասը մինչև այս դարի վերջը կծածկվի ջրով:
Ըստ գիտնականների՝ այդ տարածքներից են Իսլանդիան, Շոտլանդիան, Դանիան, Նիդերլադները և հյուսիսային որոշ կղզիներ: Խաղաղ և Հնդկական օվկիանոսների կղզիներում գտնվող պետությունները նույնպես կարժանանան այս ճակատագրին հարավային սառցադաշտերի հալելու հետևանքով:
Իսկ Տորոնտոյի համալսարանի գիտնականների կարծիքով, 100 տարի հետո Ատլանտյան օվկիանոսի մակարդակը Նյու-Յորքի հատվածում ներկայիս մակարդակից 1,3-1,5 մետրով բարձր է լինելու: Գլոբալ տաքացման հետևանքով Ատլանտյան և Հյուսիսային սառուցյալ օվկիանոսների ստորջրյա ընթացքն ուժեղանում է և տեղափոխվում ավելի հարավ:
Երկրագնդի որոշ մասերում էլ սպասվում է սառցե ժամանակաշրջան: Դրանք են Մեծ Բրիտանիան, Իռլանդիան և Կանադայի մի մասը: Համակարգչային մոդելի համաձայն, հիմա Համաշխարհային օվկիանոսում տեղի են ունենում այն պրոցեսները, ինչ 20 հազար տարի առաջ սառցե դարաշրջանի ժամանակ: