Լևոն Արոնյանը, ով Հոլանդիայի Վայք ան Զեե քաղաքում ընթացող Tata Steel շախմատային ամենամյա փառատոնում հիանալի ելույթ է ունենում և 10 տուրերից հետո 7.5 միավորով միանձնյա գլխավորում է մրցաշարային աղյուսակը, FIDE-ի դասակարգման աղյուսակով աշխարհի ուժեղագույն շախմատիստ Մագնուս Կառլսենի հետ կրճատել է միավորների տարբերությունը:
Ներկայումս Կառլսենի ակտիվում կա 2833.8 միավոր, որը հունվարի 1-ի վարկանիշային աղյուսակի ցուցանիշին զիջում է 1.2 միավորով: Արոնյանը ևս 21.5 միավոր է ավելացրել իր պաշարին` այն հասցնելով 2826.5-ի, և այժմ նորվեգացուն զիջում է 7.3 միավորով:
3-րդ և 4-րդ տեղերը զբաղեցնեղ Վլադիմիր Կրամնիկն ու Վիշվանաթան Անանդը պահպանել են իրենց նախկին ցուցանիշները և ունեն համապատասխանաբար 2801 և 2799 միավոր: