Բուլղարիայի արևելյան հատվածում արդեն մեկ օր շարունակվող ուժեղ ձյան պատճառով մոտ 53 հազար մարդ մնացել է առանց էլեկտրաէներգիայի: Լեռնային շրջաններում ուժեղ տեղումները վնասել են էլեկտրահաղորդման լարերին: Այս մասին հայտնում է ИТАР-ТАСС գործակալությունը:
Առավել ծանր իրավիճակում են հայտնվել Վիդինի, Վրաստայի և Մոնտանայի շրջանները, որտեղ էլեկտրասնուցման վերականգնման աշխատանքները դժվարացել են չմաքրված ճանապարհների պատճառով:
Երկրի 19 շրջանում հայտարարվել է վտանգի «նարնջագույն» աստիճան: Իշխանությունները խորհուրդ են տալիս ավտոմեքենաների սեփականատերերին խուսափել ճամփորդություններից:
Սոֆիայում այս պահին շարունակում է ձյուն տեղալ, ձյան ծածկույթը հասնում է 35 սմ-ի: Ճանապարհներին հայտնվել են ձյան կույտեր: Տրասպորտը բավական դանդաղ է աշխատում: Կոմունալ ծառայությունները փորձում են մաքրել քաղաքի մայրուղիները, փողոց է դուրս բերվել 180 միավոր տեխնիկա, սակայն դա բավարար չէ ձյունը մաքրելու համար:
