Ինչպես հայտնի է, Միխայիլ Խոդորկովսկու և Պլատոն Լեբեդևի դեմ կայացրած որոշման առիթով ԱՄՆ պետքարտուղար Հիլարի Քլինթոնը հայտարարել էր, որ այն «բացասական ազդեցություն» կունենա Ռուսաստանի հեղինակության վրա: «Միացյալ Նահանգները բավարարված է Ռուսաստանի մոդռնացման ծրագրերի վերաբերալ ՌԴ նախագահ Դմիտրի Մեդվեդևի հայտարարություններով, սակայն միաժամանակ շեշտում է, որ դրանց իրականացումը պահանջում է երկրում դատական «կլիմայի» փոփոխություն»,- ասել էր ԱՄՆ պետքարտուղարը:
Այսօր Ռուսաստանի ԱԳՆ-ն հանդես է եկել պաշտոնական հայտարարությամբ, որտեղ անթույլատրելի են որակվում այլ պետության կողմից ներքին հարցերին միջամտելու փորձերը:
«Վաշինգտոնում և Եվրոպական մայրաքաղաքներում Միխայիլ Խոդորկովսկու և Պլատոն Լեբեդևի դեմ դատական գործընթացի առնչությամբ հնչած հայտարարությունների առիթով կցանկանայինք հերթական անգամ նշել, որ այդ գործընթացը առնչվում է Ռուսաստանի Դաշնության դատական համակարգի կոմպետենտությանը, և դատարանի վրա ճնշում գործադրելու բոլոր փորձերը անթույլատրելի են»,- ասվում է հայտարարության մեջ: