Ավստրալիայի վարչապետ Ջուլիա Գիլարդը և ընդդիմության առաջնորդ Թոնի Էբոտը ստիպված են եղել ոստիկանություն կանչել ռեստորանից դուրս գալու համար, որտեղ նրանց կողպել էին աբորիգենների իրավունքների պաշտպանները:
ԻՆչպես հաղորդում է Интерфакс գործակալությունը, դեպքը տեղի է ունեցել Ավստրալիայի օրը՝ հունվարի 26-ին: 1788 թ. այս օրը մայրցամաքը գրավվեց եվրոպացիների կողմից:
Ականատեսների խոսքերով՝ իրավապաշտպանները շրջափակել են ռեստորանը կողպել դուռը և, թակելով շենքի պատերը, բացականչել՝ «ամոթ», «ռասիստներ»:
Վրա հասած ոստիկանությունը՝ շուրջ 50 ծառայող, զայրացած ամբոխի միջից դուրս է հանել ապշահար Գիլարդին և Էբոտին:
Վարչապետի մամուլի գրասենյակից հայտնել են, որ Ջուլիա Գիլարդը ռեստորանից դուրս գալուց սայթաքել է և կորցրել կոշիկի զույգը: