Ամստերդամում 75 տարեկանում վախճանվել է բրիտանացի դերասան Նիկոլ Ուիլյամսոնը, որին դրամատուրգ Ջոն Օսբորնը անվանել է «ամենամեծ արտիստը Մարլոն Բրանդոյից հետո»:
Ինչպես հաղորդում է Variety կինոպարբերականը, դերասանը, որը վերջին 20 տարիներին ապրում էր Ամստերդամում, մահացել է դեռ նախորդ տարվա դեկտեմբերին՝ իր ծննդյան օրը, բայց այդ մասին հայտնի է դարձել միայն այժմ:
Ուիլյամսոնը ծնվել է 1936 թ. դեկտեմբերի 16-ին: Բեմում առաջին անգամ հայտնվել է 1961 թ., խաղացել է Օսբորնի մի շարք պիեսներում՝ ինչպես Մեծ Բրիտանիայում, այնպես էլ Բրոդվեյում: Նրա ամենահայտնի դերերն են հրաշագործ Մերլինը «Էքսկալիբուր» և Շերլոկ Հոլմսը «7 տոկոսանոց որոշում» ֆիլմերում:
Ուիլյամսոնը մի քանի անգամ արժանացել է թատերական «Թոնի» մրցանակի: Թոնի Ռիչարդսոնի «Ծիծաղ մթության մեջ» ֆիլմի համար դերասանը մրցանակ է ստացել Սան Սեբաստիանի կինոփառատոնում:
