Ինչպես հաղորդում է The Wall Street Journal պարբերականը, հաջորդ տարի ամերիկյան ընկերությունների աշխատավարձերը կբարձրանան մոտ 2,8%-ով: Այս տարի այդ ցուցանիշը կազմել է 2,4%: Պարբերականը հղում է անում Hay Groep ընկերության հետազոտություններին:
Ինչպես ասել է ընկերության վերլուծաբան Թոմ Մաքմալենը, որքան արագ վերականգնվի ԱՄՆ տնտեսությունը, այնքան կարագանա աշխատավարձերի աճի տեմպը: Նա ասել է նաև, որ, այդուամենայնիվ, որոշ ընկերություններ շարունակում են իրենց պահպանողական քաղաքականությունը, և չեն բարձրացնի վարձատրության չափը:
2005-2007 թթ. աշխատավարձը աճել է միջինը 4 %-ով, սակայն տնտեսական ճգնաժամի տարիներին աճը զգալիորեն նվազել է: Ամենաշատը հաջորդ տարի կաճեն էներգետիկ ընկերությունների աշխատակիցների աշխատավարձերը` 3,6%, առողջապահության համակարգ` 3,3%: Ամենացածրը կլինի ֆինանսական համակարգի ներկայացուցիչների աշխատավարձի աճը` մոտ 2,9%:
