«168 ժամ»-ը զրուցել է ԱՊՀ երկրների երիտասարդական միության կառավարման խորհրդի նախագահ Անդրանիկ Նիկողոսյանի հետ:
-Ինչո՞վ է պայմանավորված «Պուտին» ակումբների ստեղծումը Հայաստանում: Դուք բազմիցս հայտարարել եք, որ այդ ակումբների ստեղծումը քաղաքական որևէ ենթատեքստ չի հետապնդում, և որ դրանք հասարակական նպատակներով են ստեղծվում: Ինչպե՞ս հասկանալ դա, եթե խոսքը քաղաքական գործչի գաղափարների պրոպագանդման մասին Է:
-Նախ՝ «Պուտին» ակումբը հասարակական կենտրոն Է: «Պուտին» քաղաքական կենտրոն չենք ստեղծում Հայաստանի Հանրապետությունում: Եվ երկրորդ՝ «Պուտին» ակումբ հասարակական-մշակութային կենտրոն ստեղծելու հիմնական գաղափարը եղել Է Հայաստանի Հանրապետությունից մի շարք շնորհալի երիտասարդների առաջարկով: Նրանք 15-20 օր անընդհատ առաջարկներ են արել, և քննարկման արդյունքում որոշում կայացրեցին, որ նմանատիպ ակումբներ ստեղծեն ԱՊՀ բոլոր տարածաշրջաններում, ընդ որում՝ նաև Հայաստանում: Ակումբները հիմնված են հետևյալ սկզբունքի վրա՝ հասարակական նոր շփումներ և հարաբերություններ հայ և ռուս երիտասարդության շրջանում՝ նոր մտածելակերպի, նոր գաղափարի, բարեկամության ավելի ջերմ և սերտ մթնոլորտ ստեղծելու կապակցությամբ: Հիմնական գաղափարը կայանում է դրանում:
-Իսկ ովքե՞ր են այդ շնորհալի երիտասարդները, ովքեր առաջ քաշեցին նշյալ գաղափարը:
-Մի շարք երիտասարդներ են, որոնց անունները կարող եմ տալ, և իրենցից կարող եք հարցազրույցները վերցնել, ձեր բոլոր հարցերի պատասխանները կարող եք նրանցից ստանալ: Նրանք շատ լավ կպատասխանեն: Օրինակ, «Եվրասիական ինտեգրացիա» հ/կ-ի նախագահ Բաբկեն Հարությունյանը, Հայ և ռուս երիտասարդական խմբավորումից՝ Արման Հակոբյանը, կա Արարատ Ստեփանյան: Ամսի 2-ին կենտրոնի բացմանը կարող եք այդ հարցերով դիմել նրանց, թե ինչու են ցանկանում, որ Հայաստանում լինեն այդ ակումբները: Իսկ ինչո՞ւ՝ չի՞ կարելի, որ Հայաստանում մարդիկ՝ նույնիսկ 5 հոգի, 10 հոգի հասարակական նախաձեռնություն անեն, և ինչ-որ մի լավ բան ուզենան անել:
-Իսկ, օրինակ, ի՞նչ միջոցառումներ են անցկացվելու այդ կենտրոններում: Ի՞նչ ծրագրեր կան:
-Մանրամասն ծրագրերը մոտակա օրերին կհրապարակենք, թե ինչեր պետք Է տեղի ունենան, ինչ հասարակական նախաձեռնություններ պետք Է լինեն, ինչ ծրագրեր պետք Է տեղի ունենան այդ ակումբներում: Հիմա ակտիվ աշխատանքներ են գնում վերջնական տեսքի բերելու ուղղությամբ: Մոտակա օրերին ամբողջ փաթեթը կլուսաբանվի, որովհետև նախաձեռնությունը Հայաստանում Է եղել, և Հայաստանում Էլ հիմա աշխատում են դրա ուղղությամբ:
-Քանի՞ ակումբ է բացվելու Հայաստանում:
-Առայժմ կբացվի մեկ ակումբ Երևանում, իսկ մնացած տեղերում ԱՊՀ-ում շատ-շատ են բացվելու: Բայց առայժմ մեկ ակումբ կբացենք Հայաստանում, որից հետո դեռ կորոշենք՝ կշարունակե՞նք, թե՞ ոչ:
-Ակումբը ղեկավար ունենալո՞ւ է:
– Այո՛:
-Եվ ո՞վ Է լինելու ղեկավարը:
-Արարատ Ստեփանյանը, ով արդեն նշանակվել Է մեր և ԱՊՀ տարածաշրջանային կենտրոնի ղեկավար Երևանի մասնաճյուղում:
-Իսկ ԱՊՀ ո՞ր երկրներում են բացվելու նման ակումբներ:
-Բոլոր երկրներում անխտիր:
-Դուք՝ որպես ԱՊՀ երկրների երիտասարդական միության կառավարման խորհրդի նախագահ, ո՞ր երկրների երիտասարդական միություններին եք ներկայացրել առաջարկը:
-ԱՊՀ տարածաշրջանի բոլոր երիտասարդական կազմակերպություններին ներկայացրել ենք, կոչով ենք հանդես եկել: Եվ ունենք բազմահազար առաջարկներ, որոնք գտնվում են քննարկման փուլում, և մոտակա օրերին բոլորս իրականացած կտեսնենք հարյուրավոր նմանատիպ ակումբների ստեղծման արարողություն:
-Այնուամենայնիվ, ո՞ր երկրներում եք ներկայացրել Ձեր առաջարկը:
-Բոլոր:
-Օրինակ:
-Անխտիր բոլոր երկրներում: Առաջինն սկսել ենք Ղազախստան, հետո Բելառուս, ու այդպես շարունակվելու Է, որովհետև բոլոր երկրներից Էլ ունեմ նման նախաձեռնություններ և առաջարկներ:
-Իսկ ֆինանսական ի՞նչ միջոցներ եք ծախսել ակումբների ստեղծման համար և ովքե՞ր են տրամադրելու ֆինանսական միջոցները:
-Ակումբները գործելու են հիմնականում հասարակական սկզբունքներով, և նպաստելու են երիտասարդության փոխադարձ, համատեղ նոր ծրագրերի իրականացմանը: Այն ծրագրերը, որոնք հավանություն կստանան, այն ժամանակ կմտածենք, թե ինչ միջոցներով կիրականացնենք: Իսկ ակումբների բացման համար նախապես սարսափելի որևիցե միջոցներ չեն ծախսվել:
-Ի դեպ, ՌԴ վարչապետ Վլադիմիր Պուտի-նը տեղյա՞կ է այս նախաձեռնության մասին:
-Կարծում եմ, որ տեղյակ կլինի:
-Այսինքն՝ չեք տեղեկացրել:
-Պաշտոնապես տեղեկացվել է:
-Եվ արձագանք չե՞ք ստացել նրանից:
-Առայժմ՝ ոչ:
-Ինչո՞ւ: Գաղափարը հավանության չի՞ արժանացել:
-Վստահ եմ, որ գաղափարը հավանել է: Իմ կարծիքով՝ պատասխանը ամբողջ ԱՊՀ տարածաշրջանի խոսակցության մասին կլինի, որովհետև առաջարկն ամբողջությամբ նոր ենք ներկայացրել:
-Իսկ ինչո՞ւ՝ «Պուտին», և ոչ՝ «Մեդվեդև» ակումբ:
-Երկուսն էլ շատ հարգելի անձնավորություններ են ինձ համար: Քանի որ Պուտինը նաև նախագահի թեկնածուն է, առանձնապես որևիցե բան չկա, և չեմ ուզում, որ մեր երիտասարդությանը նման հարցերի պատասխանների մեջ ներգրավեմ:
-Չե՞ք կարծում, որ ակումբի ստեղծումը ձևավորելու է նաև անձի պաշտամունք:
-Այսինքն՝ եթե ես այդ մարդու հանդեպ ունեմ իմ կարծիքը, մտածելակերպն ու մտահղացումները, պաշտամո՞ւնք է առաջանում: Եթե վաղը Հայաստանում հայտնվեն 10 երիտասարդներ և ուզենան «Սարկոզի» ակումբ բացել, եթե մի 10 հոգի էլ հայտնվեն և ուզեն «Լևոն Տեր-Պետրոսյան» կամ «Օբամա» ակումբներ բացել, դրա մասին ի՞նչ կասեք: Դա մարդկանց իրավունքն է, ընդամենը հասարակական նախաձեռնություն է:
-Իսկ Հայաստանի քաղաքական կուսակցություններին ներկայացրե՞լ եք նշյալ նախաձեռնությունը:
– Որևիցե կուսակցության նման առաջարկ կամ նախաձեռնություն մեր կողմից չի առաջարկվել, և որևիցե կուսակցության նախագահի հետ նման հարց և պատասխան չի քննարկվել: Ես անձամբ որևիցե մեկի հետ նման բան չեմ խոսել:
-Եվ վերջում՝ խոսակցություններ կան, որ Դուք եք ֆինանսավորում «Չենք լռելու» քաղաքացիական ակտիվ նախաձեռնությունը: Ի՞նչ կասեք այս մասին:
-Ես «Չենք լռելու»-ի հետ ընդհանրապես կապ չունեմ: Դրանք բացարձակ չեն համապատասխանում իրականությանը: