«Ժողովուրդ»-ի լավատեղյակ աղբյուրների վկայությամբ՝ ՀՀ նախագահի աշխատակազմի նախկին ղեկավար Կարեն Կարապետյանն իր թեկնածությունն առաջադրելու է Տաշիրի ընտրատարածքում:
«Հետաքրքիրն այն է, որ Հանրապետական կուսակցության գործադիր մարմնի անդամը որոշել է ինքնաառաջադրվել: Նա չի ապավինելու Հանրապետականին: Իսկ կլքի՞ Կարապետյանը ՀՀԿ-ն, թե` ոչ, երեկ մեզ չհաջողվեց պարզել: Նա շարունակ չէր պատասխանում մեր հեռախոսազանգերին»,- ապա թերթը հավելում է.
«Հիշեցնենք, որ Կարեն Կարապետյանն անակնկալ հրաժարական տվեց նախագահի աշխատակազմի ղեկավարի պաշտոնից, որից հետո նրա և եղբոր՝ խոշոր գործարար Սամվել Կարապետյանի փոխհարաբերությունները Սերժ Սարգսյանի հետ կարծես թե կորցրին առաջվա ջերմությունը»: