Պակիստանի իշխանությունները տրանսվեստիտներին պաշտոնապես ճանաչել են «իգական սեռի» ներկայացուցիչներ` նրանց տալով ձայնի իրավունք և անձը հաստատող փաստաթուղթ: 100 այդպիսի վկայական հանձնվել է ՆԳ նախարարության կողմից: Այս մասին հաղորդում է ИТАР-ТАСС-ը` վկայակոչելով մայրաքաղաք Ռավալպինդի վիզա-անձնագրային ծառայության մամուլի հաղորդագրությունը:
Տրանսվեստիտները Պակիստանի, Հնդկաստանի և Հարավային Ասիայի այլ պետությունների հասարակության անբաժանելի մասն են: Նրանք լայնորեն ներկայացված են տեղի կինեմատոգրաֆիայում, գրականությունում և ազգային արվեստի այլ բնագավառներում: Իսլամական Պակիստանում ապրող տրանսվեստիտները միավորված են տարածքային խմբավորումներում, որոնցից յուրաքանչյուրն ունի իր առաջնորդը և ղեկավարող կառույցը: Եկամտի հիմնական աղբյուրը մուրացկանությունն է, հարսանեկան արարողություններին մասնակցությունը, ինչպես նաև մարմնավաճառությունը:
Ավելի վաղ Պակիստանի Գերագույն դատարանը վճիռ էր կայացրել, համաձայն որի՝ այս երկրում ապրող բոլոր տրնասվեստիտները իշխանությունների կողմից պետք է ճանաչվեն «երրորդ սեռ», նրանց հատկացվելու էր անձը հաստատող փաստաթղթեր, ինչպես նաև ձայնի իրավունք: Պակիստանի ՆԳ նախարարությունը չէր շտապում կյանքի կոչել դատարանի վճիռը` որոշելով նրանց ընդունել որպես կին:
Նախարարության մամուլի հաղորդագրության մեջ նշվում է նաև, որ հետագայում Պակիստանում դասակարգելու են տրանսվեստիտներին ըստ սեռի, և նրանք, իրենց ցանկությամբ, կարող են գրանցվել որպես «կին-տրանսվեստիտ» կամ «տղամարդ-տրանսվեստիտ»: Դա հաստատվելու է անձը հաստատող փաստաթղթում:
