Վրաստանում աննախադեպ առաջարկությամբ հանդես է եկել Վրաստանի խորհրդարանի պատգամավոր, տարածքային ամբողջականության վերականգնման խորհրդարանական հանձնաժողովի նախագահ Շոթա Մալախիան: Նա առաջարկել է Վրաստանում ամենուրեք հիշեցնել Վրաստանի տարածքի 20%-ի բռնազավթված լինելու մասին: Այս փոփոխությունները կմտցվեց «Բռնզավթված տարածքների մասին» օրենքի մեջ:
Ըստ այդմ, Վրաստանում բոլորը պարտավոր են լինելու իրենց տպագրած նյութերում, լինեն դրանք բուկլետներ, ճաշացանկ, գնացուցակ, փողոցային պաստառներ և թե այլ բաներ, հիշեցնել, որ Վրաստանի տարածքի մոտ 20%-ը բռնազավթված է Ռուսաստանի կողմից:
Ըստ Մալախիայի` Վրաստանի քաղաքացիները և զբոսաշրջիկները անընդհատ պետք է հիշեն, որ երկիրը օկուպացված է: Այդ նյութերում պետք է նշված լինի այնպիսի տեղեկություն, որը համակարգված կներկայացնի այդ խնդիրը:
Սակայն հայտնի չէ, թե ինչ պատժամիջոցներ են նախատեսված նրանց համար, ովքեր կհրաժարվեն այդ տեղեկատվությունը տարածել: