ԱՄՆ նախագահ Բարաք Օբաման կոչ է արել ունևոր ամերիկացիների համար ներմուծել հակահավաքման նոր համակարգ: Այս մասին հաղորդում է BBC-ն:
ԱՄՆ նախագահն արդեն 2 տարի է՝ փորձում է հարկային բարեփոխումներ անցկացնել: Ավելի վաղ Օբաման Կոնգրեսին առաջարկում էր մի սխեմա, ըստ որի՝ պետք է չեղյալ համարվեն Ջորջ Բուշի օրոք տարեկան ավելի քան 200 հազար դոլար եկամուտ ունեցող ամերիկացիներին տրվող հարկային արտոնությունները:
Կոնգրեսի հանրապետականները կտրականապես դեմ են հանդես գալիս այդ բարեփոխմանը՝ հայտարարելով, որ Օբաման փորձում է արտոնություններից զրկել այն մարդկանց, ովքեր ամենաբարձր հարկերն են վճարում:
«Հարկային բարեփոխումը պետք է անցկացվի՝ համաձայն Ուորեն Բաֆեթի առաջարկի. եթե դուք աշխատում եք տարեկան ավելի քան 1 մլն դոլար, ապա դուք չպետք է վճարեք 30%-ից պակաս հարկ»,- ասել է Օբաման՝ Կապիտոլիումում Կոնգրեսին ուղղված ամենամյա ելույթում:
2011 թ. կեսերին միլիարդատեր Ուորեն Բաֆեթը հայտարարել էր, որ աջակցում է Օբամային և ճիշտ է համարում հարկահավաքման նրա սխեման:
