Այդահոյում ապրող տղամարդը, ով մեղադրվում էր Սպիտակ տան վրա կրակելու մեջ, երեքշաբթի օրը հայտնել է, որ իրեն մեղավոր չի ճանաճում ԱՄՆ նախագահ Բարաք Օբամային սպանելու փորձի մեջ:
Օսկար Ռամիրո Օրտեգա Ֆերնանդեսի դատապաշտպանը իր պաշտպանյալի դիմումը անձամբ է ներկայցրել, իսկ Օրտեգան դատալսումների ժամանակ ոչ մի բան չի ասել: Նրա հաջորդ դատալսումը կկայանա մյուս ամսին: Այս մասին հաղորդում է Associated Press-ը:
Դատախազներն ասում են, որ Օրտեգան հատուկ զենք է օգտագործել Սպիտակ տան վրա կրակելու համար, բայց այդ ժամանակ նախագահն ու նրա կինը` Միշելեն, քաղաքում չեն եղել: Մինչ կրակելը, ըստ դատախազների հաղորդման, Օրտեգան անընդհատ Օբամային հակաքրիստոնյա է անվանել, ինչպես նաև առնվազն մեկ մարդու ասել է, որ պատրաստվում է սպանել նախագահին:
Իշխանություններն ասում են , որ նրան ձերբակալել էին անցյալ տարի նույեմբերի 16-ին այն միևնույն հյուրանոցում, որտեղ և նա մնում էր մինչ Սպիտակ տան վրա կրակելը: