«Ժողովուրդ»-ը գրում է, որ Երևանի քաղաքապետ Տարոն Մարգարյանը հայտարարել է, որ բոլոր քաղաքացիներն իրավունք ունեն իրենց ավտոտնակներն օրինականացնել:
«ժողովուրդ»-ի տեղեկություններով՝ քաղաքապետի տված այս հնարավորությունը ոչ միայն շարքային քաղաքացիներին է ոգևորել, որոնք վերջապես կարող են մայրաքաղաքում սեփական «գարաժ» ունենալ, այլև հենց քաղաքապետարանի աշխատակիցներին:
«Պատճառն այն է, որ քաղաքապետարանում ձախ ճանապարհով գումարներ հավաքելու նոր փուլ է սկսվել, քանի որ, ըստ լուրերի; Տարոն Մարգարյանն իր մտերիմներին ասել է, որ առջևում խորհրդարանական ընտրություններ են, և շատ փող է պետք»:
Թերթը փորձել է տեղեկությունը պաշտոնապես ճշտել քաղաքապետարանից, սակայն չի ստացվել:
«Մեզ խոստացված պատասխանը տարբեր պատճառաբանություններով մի քանի օր շարունակ այդպես էլ չտրվեց»: