«Երկիր»-ը գրում է, որ Վարդան Այվազյանը նորից ցանկանում է աթոռ ունենալ Աժ-ում:
«Բայց օլիգարխիայի դեմ պայքարող հանրապետականը, ըստ մեր տեղեկությունների, Այվազյանին համամասնական ցուցակում ընդգրկել չի պատրաստվում: Հստակ է, որ նա մեծամասնական ընտրակարգով առաջադրվելու է թիվ 26 ընտրատարածքում, որտեղ մարզպետ հայրիկի օգնությամբ ուժերն է փորձելու նաև Չարենցավանի քաղաքապետ Հակոբ Շահգալդյանը:
Այս ընտրատարածքում հիմնական պայքարը ծավալվելու է երկու հանրապետականների միջև: ՀՀԿ-ում անգամ կեսկատակ-կեսլուրջ խոսում են, որ Այվազյանն այսկերպ «վրեժ է լուծում» սեփական կուսակցությունից և փորձում է ապացուցել, որ նոր խորհրդարանում, միևնույն է, լինելու է»:
«Երկիր»-ի տեղեկություններով՝ նա վերջին շրջանում հաճախ է այցելում հայրենի քաղաք, փորձում վերականգնել նախկին կապերը:
«Այստեղ նա փորձում է կենտրոնացնել հատկապես ախալքալաքցիների ներուժը, բայց, կարծես ապարդյուն. ախալքալաքցիների հարաբերություններն իրենց հայրենակցի հետ այնքան էլ լավ չեն»: