Սիբիրի Ալթայի լեռների քարանձավներից մեկում շան գանգ է պահպանվել, որը 33000 տարվա հնություն ունի:
Daily Mail-ը գրում է, որ գանգն ընտանի կենդանիների մնացորդների ամենահին օրինակներից է, և դրա տարիքը վկայում է, որ մարդիկ հնարավոր է` ընտելացրել են շներին աշխարհի տարբեր վայրերում:
Հավանաբար ժամանակակից շներն ունեն մեկից ավելի նախահայրեր:
Սիբիրում հայտնաբերված գանգը տարօրինակ կերպով լավ պահպանված է, և դրա շնորհիվ գիտնականները կարողացել են գանգի, ծնոտի և ատամների մի քանի չափումներ անել: Հետազոտողները պնդում են, որ շունն ընտելացված է եղել, բայց չի թվում, որ այն ժամանակակից շան նախահայրն է եղել:
Վերջերս ԴՆԹ–ի հետազոտողները հայտնել են, որ բոլոր շներն ունեն մեկ նախահայր, բայց հայտնաբերված շան գանգը վկայում է, որ շների էվոլուցիան ավելի բարդ գործընթաց է եղել, քան ենթադրվում էր: