Ռուանդայի արդարադատության նախարարն այսօր հայտնել է, որ ռուանդացին, ով մեղադրվում է մարդկության դեմ կատարած հանցանքների համար, արտաքսվել է Կանադայից, և այս գիշեր պետք է հասնի կենտրոնական Աֆրիկա:
Reuters-ը հաղորդում է, որ Լեոն Մուգեսերան, ով 16 տարի շարունակ պայքարում էր Կանադայում մնալու համար, մեղադրվում է սպանությունների, ոչնչացման և ցեղասպանության մեջ:
Ըստ արդարադատության նախարարի՝ իրեն հայտնել են, որ Մուգեսերան արդեն դեպի Ռուանդա գնացող ինքնաթիռի մեջ է, քանի որ Կանադայի իշխանությունները երկուշաբթի օրը հայտնել էին, որ նա կարտաքսվի առաջին իսկ հնարավորության դեպքում:
Մուգեսերան, ով ասել է, որ վախենում է, թե երկիր վերադառնալով կարող է ենթարկվել տանջանքների կամ սպանվել, տարիներ շարունակ տարբեր դատարաններում պայքարում էր իր արտաքսման դեմ: Նա և իր ընտանիքն ապրում էին Կանադայի հիմնականում ֆրանսախոս Քվեբեկ նահանգում:
