Ինչպես հայտնել է ՌԴ հատուկ քննչական ծառայության ներկայացուցիչ Վլադիմիր Մարկինը, Պետդումայի պատգամավոր Աշոտ Եղիազարյանի նկատմամբ հեռակա հարուցվել է քրեական գործ և հայտարարվել միջազգային հետախուզում: Մինչ այդ հայտարարված էր դաշնային հետախուզում:
Ըստ Մարկինի` Եղիազարյանը մեղադրվում է առավել մեծ չափերի հասնող խարդախության մեջ: Այս տարվա նոյեմբերին ՌԴ Պետական դուման թույլատրել էր նրա դեմ քրեական գործի հարուցումը և զրկել նրան անձեռնմխելիությունից: Այնուհետև Եղիազարյանը կարգի համաձայն չէր ներկայացել քննչական գործողություններին, որից հետո նրա նկատմամբ հայտարարվել էր դաշնային հետախուզում:
Հիշեցնենք, որ Ռուսաստանի լիբերա-դեմոկրատական կուսակցության ցուցակով ընտրված Աշոտ Եղիազարյանը մեղադրվում է գործարարից մոտ 550 մլն ռուբլի գողանալու, ինչպես նաև մեկ այլ ընկերության` «Ցենտուրիոն ալյանսի» բաժնետոմսերի մոտ 20%-ը սեփականելու մեջ (ընդհանուր գումարը՝ 1,5 մլրդ ռուբլի):