Գյումրիի բնակիչ 21-ամյա Մարի Դավթյանի սպանության գործով Շիրակի մարզի քննչական բաժնի հատուկ կարևորագույն գործերի ավագ քննիչ Վահրամ Բեյբությանը «Առաջին լրատվական»-ի հետ զրույցում ևս մեկ անգամ հաստատեց, որ երիտասրադ կնոջը դաժանաբար սպանել է Գյումրիի բնակիչ, նախկինում դատապարտված 51-ամյա Գևորգ Թադևոսյանը: Ըստ քննիչի, մարդասպանի դուստրը` Ալվարդ Թադևոսյանը և Մ.Դավթյանը ընկերուհիներ են եղել ու ներգրաված է եղել մարմնավաճառության մեջ:
Ինչպես նշեց քննիչը, Մ.Դավթյանի սպանության մեջ մեղադրվող Գ.Թադևոսյանին սպասվում է 12-ից 20 տարվա կամ ցմահ ազատազրկում: Մինչ Մարի Դավթյանի սպանությունը, նրա տնակը ինչ-որ մեկը դեպքից չորս օր առաջ հրկիզել և այրել է: Ըստ քննիչի, այդ քայլին դիմել է Դավթյանի ընկերուհին: «Սպանության դեպքից չորս օր առաջ Մ.Դավթյանի տունն այրել է մարդասպանի աղջիկը` Ալվարդ Թադևոսյանը»,- ասաց Վ.Բեյբությանը: Այս մասով քննությունը դեռեւս շարունակվում է:
Քննիչի խոսքերով Մարի Դավթյանին սպանելու մեջ մեղադրվող Գեւորգ Թադևոսյանընդունել է իր մեղքը` նշելով որ զղջում է միայն նրա համար, որ իր արարքի արդյունքում սպանված կնոջ երեխան է որբ մնացել:
Քննիչի խոսքերով սա երկորդ դեպքն է, երբ կին է սպանվում, իսկ այնուհետեւ հետքերը թաքցնելու նպատակով մարդասպանը հրկիզում է դիակը:
Նույն Գևորգ Թադևոսյանի որդին 2009 թվականին նույն ձեւով դաժան հաշվեհարդար է տեսել մեկ այլ կնոջ նկատմամբ` նրան սպանել, այնուհետեւ դին այրել էր ու մնացորդները թաքցրել նույն վայրում:
Ըստ քննիչ Վ.Բեյբությանի, երկու դեպքերն իրար հետ կապ չունեն: