Ամեն հինգերորդ մեծահասակ ամերիկացին ունի հոգեկան շեղումներ, իսկ ամեն քսաներորդը տառապում է հոգեկան լուրջ հիվանդություններով: Այս մասին են վկայում համազգային նոր հետազոտության արդյունքները, որն անցկացրել է ԱՄՆ առողջապահության նախարարության հատուկ մասնագիտացված ստորաբաժանումը:
Ինչպես հայտնում է ИТАР-ТАСС գործակալությունը` համաձայն այդ տվյալների` Ամերիկայում 2010 թվականին հաշվվում էր 18 տարեկան և բարձր 46 միլիոն մարդ, որոնց մոտ նկատվել են հոգեկան շեղումներ:
Տվյալ տարիքային կատեգորիայում այս մարդիկ կազմում են ԱՄՆ բնակչության մոտ 20 տոկոսը: Մոտ 11.4 միլիոն մարդ (մոտ 5 տոկոս) ունենցել են ֆունկցիոնալ խանգարում, որը խախտում էր նորմալ կենսագործունեությունը:
Բացի այդ, մասնագետների գնահատականներով, մոտ 8.7 միլիոն չափահաս ամերիկացի լրջորեն մտածել է ինքնասպանության մասին, 2.5 միլիոնը կազմել են համապատասխան պլանը, իսկ 1.1 միլիոնը` իրականացրել է ինքնասպանության փորձ:
Հոգեկան խանգարումներ ունեցող մարդկանց մոտ նկատվել է նաև կախվածություն ալկոհոլից և թմրանյութերից:
ԱՄՆ-ում ազգի հոգեկան առողջության հետազոտություն անցկացվում է ամեն տարի: