«Երկիր»-ը գրում է, որ Սյունիքի մարզպետ Սուրիկ Խաչատրյանը իր համար վտանգ չի տեսնում, որ Սիլվա Համբարձումյանը ցանկանում է պատգամավոր դառնալ և, ամենայն հավանականությամբ, կանդամակցի Հանրապետական կուսակցությանը:
«Ես ոչ մեկից էլ վտանգ չեմ տեսնում»,- «Երկիր»-ի թղթակցի հետ զրույցում հայտարարել է Սյունիքի մարզպետը:
«Նա նաև նորմալ է վերաբերվում, որ Սիլվա Համբարձումյանը ցանկանում է մեծամասնականով առաջադրվել այնտեղ, որտեղ կլինի Սուրիկ Խաչատրյանը. «Է թող առաջադրվի, ով ա իրան խանգարում, իրան խանգարող չկա, թող առաջադրվի»:
Հարցին, թե ինչպես կգնահատի գործարար կնոջ շանսերը, մարզպետը պատասխանել է.
«Բացարձակ» (չի պարզաբանել, թե ինչ նկատի ունի):
«Անդրադառնալով Համբարձումյանի այն հայտարարությանը, որ եթե ինքը դառնա հանրապետական, մարզպետն այնտեղ դժվար թե երկար ձգի, Խաչատրյանը դա որակեց «ոչ խելացի մարդու հայտարարություն». «Չգիտեմ` ինքն ինչ ա ուզում ասած լինի, բայց չեմ կարծում, որ իրա՝ Հանրապետականում հայտնվելը, կարող ա ինձ հետ որևէ խնդիր լուծի՝ լինի լավ, թե` վատ»,- հավելում է թերթը:
