«Ժողովուրդ»-ը գրում է, որ ԱԺ աշխատակազմի ղեկավար Գեղամ Ղարիբջանյանը, ով ամանորյա տոներից հետո գտնվում է արձակուրդում, այլևս չի վերադառնալու իր նախկին աշխատանքին:
«Ավելին՝ երեկ արդեն նրա աշխատասենյակի պատից անհետացել է համապատասխան ցուցանակը»:
Ղարիբջանյանը «Ժողովուրդ»-ի հետ զրույցում ասել է, որ ինքը հիմա արձակուրդում է, բայց չի վերադառնալու:
«Նշենք, որ Հովիկ Աբրահամյանի հրաժարականից հետո ԱԺ նախագահ Սամվել Նիկոյանը հետևողականորեն փորձում է ազատվել նախորդի կադրերից, և Ղարիբջանյանի հրաժարականը դրա հետևանքն է: Այժմ Աժ աշխատակազմի ղեկավարի ժամանակավոր պաշտոնակատար է դարձել Գագիկ Մխեյանը: Սակայն նա երկար չի մնա այդ պաշտոնում:
Ըստ լուրերի՝ իշխանական վերնախավում արդեն իսկ որոշված է՝ վարչապետ Տիգրան Սարգսյանն այնտեղ իր թեկնածուին է գործուղելու: Խոսքը վարչապետի աշխատակազմի ղեկավարի տեղակալ Տիգրան Գևորգյանի մասին է»,- հավելում է թերթը: