ԱՄՆ նախագահ Բարաք Օբամայի վարչակազմը քննարկում է Աֆղանստանում ամերիկյան բանտի ոչ աֆղան բանտարկյալներին իրենց երկրներ վերադարձնելու հարցը:
The Washington Post-ը գրում, է, որ այսկերպ ԱՄՆ-ն փորձում է իրականացնել բանտարկյալների փոխանցումը, մինչ ամերիկացի պաշտոնյաները Աֆղանստանին կհանձնեն բանտի կառավարումը:
Արտասահմանցի մոտ 50 բանտարկյալներ, ձերբակալվել են ռազմադաշտում, կամ ԱՄՆ-ի հետախուզական գորածակալության կողմից:
Քանի որ ԱՄՆ-ի կառավարությունը պատրաստվում է Աֆղանստանին փոխանցել բանտի կառավարումը, ամերիկացի պաշտոնյաները կարծում են, որ Աֆղանստանի իշխանությունները այլևս հետաքրքրված չեն լինի արտասահմանցի բանտարկյալներին բանտում պահել կամ նրանց նկատմամբ դատական վճիռներ արձակել: Սկսելով բանտարկյալների հայրենադարձության գործընթացը` պաշտոնյաները կարծում են, որ կարող են բանակցել բանտարկյալների հայրենի երկրների հետ և դիվանագիտական երաշխիք ստանալ, որ իրենց հայրենի երկրներ վերադառնալուց հետո բանտարկյալների նկատմամբ բռնություններ չեն իրականացվի:
