«Ժողովուրդ»-ը գրում է, որ Սերժ Սարգսյանը Սոչիից վերադառնալուց հետո հանդիպելու է «Բարգավաճ Հայաստան» կուսակցության նախագահ Գագիկ Ծառուկյանի հետ:
Ըստ «Ժողովուրդ»-ի տեղեկությունների՝ այս հանդիպումը բավական վճռական է լինելու, քանի որ որոշվելու է, թե ինչքան մանդատ պետք է ստանա ԲՀԿ-ն:
«Եվ քանի որ որպես կանոն հայաստանյան ընտրությունների վրա էական ազդեցություն է ունենում Ռուսաստանի Դաշնությունը, ուստի բավական հետաքրքիր զուգադիպություն է գրանցվել: ՀՀԿ և ԲՀԿ առաջնորդները միմյանց հետ կհանդիպեն ռուսաստանյան հետաքրքիր հանդիպումներից հետո»,- գրում է թերթը և հավելում.
«Մեր տեղեկություններով՝ Գագիկ Ծառուկյանը ևս սինգապուրյան որսից առաջ եղել է ՌԴ մայրաքաղաք Մոսկվայում: Ի դեպ, առաջիկայում Ծառուկյանը հանդես կգա հայտարարությամբ, որտեղ կլինեն հավաստիացումներ, որ ԲՀԿ-ն որևէ առնչություն չունի ՀՀ երկրորդ նախագահ Ռոբերտ Քոչարյանի հետ»:
