ԱՄՆ նախագահ Բարաք Օբաման պատրաստվում է մասնակցել վիդեո կոնֆերանսի` պատասխանելու իր ամենամյա State of the Union ելույթի վերաբերյալ հարցերին:
The Christian Science Monitor-ը հաղորդում է, որ այս կերպ Սպիտակ տունը փորձում է օգտագործել սոցիալական ցանցի միջոցները և փորձարկել քաղաքականության և սոցիալական լրատվամիջոցների կապը:
Google ընկերությունն այսօր հայտարարել է, որ Օբաման կմասնակցի 45 րոպե տևողությամբ կենդանի վիդեո կոնֆերանսի, որը սոցիալական ցանցում հայտնի է Hangout անունով: Սա տեղի կունենա հունվարի 30-ի կեսօրին: Օբաման Կոնգրեսին և ժողովրդին ուղղված ելույթը կունենա երեքշաբթի օրը:
Նախագահը կպատասխանի մի քանի վիդեո հարցերի և կզրուցի հարցեր ներկայացնող խմբի հետ: