Ծննդով սյունեցի, գյուղնախարար Գերասիմ Ալավերդյանի պաշտոնանկությունը չի ազդի մարզի գյուղատնտեսության ոլորտի վրա: Համենայնդեպս, այդպես են կարծում փորձագետները, քանի որ նախարար աշխատում էր, նա անտարբեր էր մարզի նկատմամբ: Ամեն դեպքում, վերջերս ՀՀ գյուղատնտեսության նախարարությունը մարզին տրամադրել է 2,255 կգ ցինկի ֆոսֆիդ` մկնանման կրծողների դեմ: Սա 900կգ-ով ավելի է նախորդ տարվա համեմատ: Տրամադրված թունաքիմիկատից 483 կգ հատկացվել է Կապանի, 664 կգ Գորիսի, 1030 կգ Սիսիանի և 78 կգ Մեղրիի տարածաշրջանների գյուղացիական տնտեսություններին: Ըստ Սյունիքի գյուղատնտեսության և բնապահպանության վարչության պետ Քաջիկ Խաչատրյանի` մարզում այս տարի մկնանման կրծողների թիվը մեծացել է, և եթե ժամանակին բավարար չափով պայքար չիրականացվի, ապա եկող տարվա բերքը հնարավոր է վտանգվի: Հաշվի առնելով այդ հանգամանքը` գյուղատնտեսության նախարարությունը մարզին լրացուցիչ տրամադրել է ևս 63 կգ թունաքիմիկատ: Այն բաշխվել է 6 գյուղական համայնքների` Արծվանիկին, Լեռնաձորին, Արևիսին, Լծենին, Նժդեհին և Ախլաթյանին: Վարչության պետը հավելեց, որ մարզի 408 հա խոտհարքներում և արոտավայրերում մկնանման կրծողների դեմ իրականացվել է նաև մեխանիկական պայքար:
Լուսանկարը՝ PanarmenianPhoto-ի
