Չինաստանի արտաքի գործերի նախարարությունն այսօր առաջին անգամ հաստատել է, որ երկրի նախագահը հաջորդ տարվա սկզբին կայցելի ԱՄՆ: Հաղորդվում է նաեւ, որ նախապատրաստական աշխատանքներն արդեն սկսվել են: CNN-ի փոխանցմամբ, China Daily-ին տված հարցազրույցում Չինաստանի արտգործնախարարության խոսնակ Մա Ժաո Սուն հայտարարել է, թե «Չինաստանն ու Միացյալ Նահանգները սերտ համագործակցություն են հաստատել` այցը կազմակերպելու համար, որը շատ կարեւոր կլինի եւ երկարատեւ ազդեցություն կունենա երկկողմ հարաբերությունների նոր դարաշրջանում»: Չինաստանի վարչապետ Վեն Ձյա Բաույի` Նյու-Յորք կատարած այցելության ժամանակ Օբաման հայտարարել էր, թե «երկու երկրները պետք է սերտ համագործակցեն, որպեսզի հասնեն տարածաշրջանային խաղաղության եւ կայունության, քանի որ աշխարհը ամերիկա-չինական հարաբերությունները դիտարկում է որպես համաշխարհային անվտանգության խնդիրների լուծման բաղկացուցիչ տարր»: