1923թ. պատմության այս օրը Ախալցխայում ծնվեց հայ դերասան, ռեժիսոր, ՀՀ ժողովրդական արտիստ, Կարպ Խաչվանքյանը։
Վրաստանի ‹‹Վրացֆիլմ›› կինոդերասանի դպրոցն ավարտելուց հետո 1944թ. Կ. Խաչվանքյանը հրավիրվել է Երևանի երաժշտական կոմեդիայի նորաստեղծ թատրոն և 54 տարի եղել նրա առաջատար դերասանը` դառնալով իր թատրոնի խորհրդանիշը;
Առաջին դերը Բոնին էր` Կալմանի ‹‹Սիլվա›› օպերետում (1944թ.), որը միանգամից հռչակ բերեց նրան և իր վրա հրավիրեց ժամանակի ամենախստապահանջ մասնագետների ուշադրությունը:
Կարպը խաղացել է դասական գրեթե բոլոր օպերետներում, սակայն առանձնակի վերաբերմունք է ունցել հայկական օպերետների և երաժշտական կոմեդիաների հանդեպ:
Խաղացել է 100-ից ավելի դերեր, սակայն Խաչվանքյանը կերտել է կերպարներ, որոնք ձեռք բերեցին միջազգային ճանաչում` դա նախ և առաջ Տոնինոն և Ձանիետոն է (‹‹Վենետիկյան երկվորյակներ››), ապա Սոկրատը (‹‹Սեր աստղերի տակ››), Սկապենը (‹‹Սկապենի արարքները››), Թոդորոսը (‹‹Պահանջվում է ստախոս››), Դոն Կիխոտը (‹‹Լամանչեցի մարդը››), Կնյազը (‹‹Տաքսի, տաքսի››):
Նշանավոր դերասանը երգում, պարում, նվագում էր տարբեր գործիքների վրա, նույն թատրոնում ստեղծել է 13 բեմադրություն, նկարահանվել ‹‹Հայֆիլմ›› կինոստուդիայի նկարահանած 4 կինոնկարներում, տասնյակ դերեր է ստեղծել հեռուստատեսային ներկայացուներում, մասնակցել ռադիոբեմադրությունների:
Այսօր էլ շատերը երաժշտական կոմեդիայի թատրոնն անվանում են ‹‹Կարպի թատրոն›
Երախտագետ հանդիսատեսը նրան մեծարել է և անվանել Շիծաղի արքա:
Նշանավոր դերասանը մահացել է 1998թ.նոյեմբերի 23-ին Երևանում;