Ադրբեջանական APA լրատվական գործակալության փոխանցմամբ՝ այսօր Սոչիում կայանալու է Հայաստանի, Ադրբեջանի և Ռուսաստանի նախագահների հերթական եռակողմ հանդիպումը, որը նվիրված է լինելու Ղարաբաղյան հակամարտության կարգավորմանը։
Բացի այդ, Ռուսաստանի նախագահ Դմիտրի Մեդվեդևն այսօր առանձին երկկողմանի հանդիպումներ է ունենալու Հայաստանի նախագահ Սերժ Սարգսյանի և Ադրբեջանի նախագահ Իլհամ Ալիևի հետ։ Սարգսյանի հետ հանդիպման ժամանակ ուշադրության կենտրոնում են լինելու հայ-ռուսական ռազմավարական գործընկերության առավել կարևոր ասպեկտները, իսկ Ալիևի հետ հանդիպման ժամանակ՝ Կասպիցի խնդիրն ու տարածաշրջանային և միջազգային հարցերում կոորդինացիան։
Նշվում է, որ 2008 թվականից սկսած՝ կայացել է 10 նմանատիպ եռակողմ հանդիպում։ Դրանցից վերջինը տեղի է ունեցել 2011 թվականի հունիսի 24-ին Կազանում։