Թուրքերը համակ ուշադրությամբ հետևում են Ֆրանսիային, քանի որ Սենատը պատրաստվում է քննարկել օրինագիծը, որը, եթե ընդունվի Սենատի կողմից, այլևս նրանցից կվերցնի իրենց նախահայրերին 1915 թվականին Հայոց ցեղասպանությունն իրականացնելու մեջ մեղադրանքներից պաշտպանելու իրավունքը:
Sunday’s Zaman-ը հաղորդում է, որ Ֆրանսիայի Սենատը պատրաստվում է հանդիպել երկուշաբթի օրը `քննարկելու համար այն օրինագիծը, ըստ որի՝ քրեական պատասխանատվության կենթարկվի ցանկացած մեկը, ով կհերքի Օսմանյան Թուրքիայի կողմից միլիոնուկես հայերի սպանությունը՝ մոտ 100 տարի առաջ: Օրինագիծը դեկտեմբերի 22-ին ընդունվել է Ֆրանսիայի խորհրդարանի ստորին պալատի կողմից։ Այն առաջացրել է Թուրքիայի բարկությունը, որը հայտնում է, որ Ֆրանսիայի այս օրինագիծը վնաս է հասցնում խոսքի ազատության իրավունքին, ինչպես նաև օգտագործում է հայերի և թուրքերի համար կարևոր խնդիրը` Ֆրանսիայի ընտրություններից առաջ քաղաքական նպատակահարմար դրություն ստեղծելու համար:
Ինչպես արդեն հաղորդել էինք, հանգստյան օրերին հազարավոր թուրքեր հավաքվել էին Փարիզում` բողոքելու Սենատում կայանալիք քննարկման դեմ: Գործողություններ են սկսվել նաև Թուրքիայում, որտեղ շարժումներ են սկսվել ֆրանսիական ընկերությունների և արտադրանքի դեմ: Ինչպես հաղորդել է Associated Press-ը, ցեղասպանությունը քրեականացնող օրինագծի դեմ պայքարող թուրք ցուցարարների թիվը հասել է տասը հազարի: Շարժմանը մասնակցել են Եվրոպայի այլ երկրներից, մասնավորապես՝ Գերմանիայից եկած թուրքերը: