Թուրքերի հետ մտերմությամբ հայտնի ֆրանսիացի սենատոր Նատալի Գուլեն ենթադրում է, որ Ֆրանսիայի Սենատում հունվարի 23-ին քննարկվելիք Հայոց ցեղասպանության ժխտումը քրեականացնող օրինագիծը կրում է «ձևական բնույթ»:
«Նիկոլա Սարկոզիի «Ժողովրդական միություն» ու Ֆրանսուա Գոլանդի Սոցիալիստական կուսակցությունը ճնշում են գործադրում պատգամավորների վրա` երկուշաբթի օրը Սենատում քննարկվելիք օրինագծի ընդունման համար»,- հայտարարել է նա «Դողան» գործակալությանը տված հարցազրույցում:
Ֆրանսիայի Սենատում թուրք-իրանական խմբի ներկայացուցչական խմբի փոխնախագահը նշել է, որ օրինագծի ընդունումը «սխալ քայլ» կլինի: