Anonymous խմբի անդամները ցանցահենային հարձակում են գործել ԱՄՆ արդարադատության նախարարութան և Universal Music Group լեյբլի վրա այն բանից հետո, երբ երկրի իշխանությունները փակել են Megaupload ռեսուրսը: Այս մասին հաղորդում է Fox News հեռուստաալիքը:
Universalmusic.com և Justice.gov կայքերը կոտրվել են հինգշաբթի կեսօրին և մի քանի ժամ անհասանելի են եղել:
Ցանցահենների հաղորդմամբ՝ ընդհանուր առմամբ, հարձակման է ենթարկվել 6 ռեսուրս: Արդարադատության նախարարության և երաժշտական լեյբլի կայքերից բացի՝ ցանցահենները կոտրել են նաև ձայնագրման ընկերությունների ամերիկյան ասոցիացիայի, կինոընկերությունների ասոցիացիայի, հեղինակային իրավունքների պաշտպանության բյուրոյի և 3ուտա նահանգի ոստիկանական ասոցիացիայի կայքերը: Վերջինիս կայքը մուտք գործելիս՝ գլխավոր էջում երևացել է Megaupload.com ռեսուրսի տարբերանշանը:
Anonymous-ի ցանցահենները խոստացել են շարունակել իրենց հարձակումները և առաջիկայում կոտրել նաև FBI-ի պաշտոնական կայքը:
Ավելի վաղ հաղորդվում էր, որ ԱՄՆ-ում դատարանի որոշմամբ փակվել է megaupload.com ֆայլերի փոխանակման ռեսուրսը: Վերջինիս սեփականատերերը ձերբակալվել են հեղինակային իրավունքները խախտելու համար: