Ինչպես արդեն կարելի է հաստատ ասել, Բարաք Օբաման չի կատարի նախընտրական շրջանում իր կողմից տրված խոստումը։ Նա ասել էր, թե մինչև 2010 թ. հունվար ամիս կփակի Գուանտանամոյի բանտը, որտեղ պահվում են հակաահաբեկչական գործողությունների ժամանակ ձերբակալվածները: Այս մասին հայտարարել է Սպիտակ տան խոսնակ Ռոբերտ Գիբսը` պատասխանելով CNN-ի հարցերին:
«Որոշ ժամանակ կանցնի մինչև բանտի փակվելը»,- ավելացրել է նա:
Գիբսը նաև նշել է, որ նրանց հետագա բանտարկության հետ կապված կան որոշակի իրավական և օրենսդրական խնդիրներ, որոնք խանգարում են այնտեղ գտնվողների տեղափոխությունը:
Հիշեցնենք, որ այս բանտը բացվել է 2001 թ. սեպտեմբերի 11-ից հետո:
