Իսրայելի արտգործնախարար Ավիդգոր Լիբերմանի հայտարարությունը, թե իր երկիրը մտադիր չէ պաշտոնական Անկարայից ներողություն խնդրել «Ազատության նավատորմիղի» գրոհի ժամանակ Թուրքիայի քաղաքացիների զոհվելու համար, նրա անձնական տեսակետն է և չի արտացոլում Իսրայելի կառավարության տեսակետը: Այդ մասին ասել է Իսրայելի վարչապետ Բենյամին Նաթանյահուն,- տեղեկացնում է Bbc-n:
Լիբերմանի հայտարարությունը պատասխանն էր Թուրքիայի արտգործնախարար Ահմեդ Դավութօղլուի այն հայտարարությանը, թե Թուրքիան մտադիր է հաշտվել Իսրայելի հետ: Հիշեցնենք, որ Իսրայելի ԱԳ նախարար Ավիգդոր Լիբերմանը նշել էր, որ Թուրքիան պետք է ներողություն խնդրի Իսրայելից, այլ ոչ թե հակառակը. «Եթե որևէ մեկը պետք է ներողություն խնդրի մեր սահմանները խախտելու լկտիության համար, ահաբեկիչների հետ կապերի, ահաբեկչությանը, մասնավորապես ՀԱՄԱՍ-ին, Հըզբոլլահին և IHH-ին աջակցելու համար, դա Թուրքիան է»: