Իր առաջնորդ Կիմ Չեն Իրի մահվանից և նրա որդու` Կիմ Չեն Ունի իշխանության գալուց հետո Հյուսիսային Կորեան Արևմուտքին զգուշացրել էր, որ վերջինս փոփոխություն չակնկալի
Daily Mail-ը գրում է, որ ինչպես երևում է, Հյուսիսային Կորեայում տարբեր իրադարձությունների ժամանակ արված լուսանկարներից, Հյուսիսային Կորեայում փոփոխություն չի սպասվում նաև հագուստի և մոդայի ընկալման առումով, քանի որ նոր առաջնորդը պատրաստվում է ամեն ինչում հետևել իր հորը:
Համացանցում այսօր տարածված լուսանկարներում երևում է, որ Կիմ Չեն ունի բաճկոնը Կիմ Չեն Իրի բաճկոնից տարբերվում է միայն գույնով: Միակ տարբերությունն այն է, որ Կիմ Չեն Ունն «արհամարհել» է իր հոր արևային ակնոցը և փոխել է սանրվածքը:
Լուսանկարներում նաև երևում է, որ Կիմ Չեն Ունը ռազմական բազաներ իր այցերի ժամանակ անում է միևնույն բաները, ինչ որ իր հայրը՝ մի տարբերությամբ, որ նա երբեմն նաև ժպտում է: