Լոնդոնի բարձրակարգ համալսարաններից մեկում վեճ է սկսվել այն բանից հետո, երբ համալսարանի Facebook-ի էջում հայտնվել է մի նկար, որտեղ Մուհամմեդ մարգարեն և Հիսուս Քրիստոսը գարեջրատանը միասին խմում են:
Daily Mail-ը հաղորդում է, որ մուսուլման ուսանողների մի խումբ պահանջում է, որ վիրավորական նկարը հանվի սոցիալական կայքից:
Լոնդոնի University College London (UCL) համալսարանի Աթեիստների մարդասիրական համայնքի նախագահ Ռոբի Յելոնն այս դեպքի պատճառով պաշտոնաթող է եղել: Սակայն համայնքը դեռևս հրաժարվում է նկարը կայքից հանել` պնդելով որ իրենք ունեն ազատ խոսքի իրավունք: