Այսօր դատարանը բավարարել է ՀՀ ոստիկանության Երևան քաղաքի վարչության քննչական բաժնի քննիչի միջնորդությունը. խուլիգանություն կատարելու մեջ մեղադրվող «Բանգլադեշցի Համիկ» մականունով Աշոտ Ավետիսյանի նկատմամբ որպես խափանման միջոց երկամսյա կալանքը ընտրելու վերաբերյալ: Այս տեղեկությունը քիչ առաջ «Առաջին լրատվական»-ի հետ զրույցում հաստատեցին ՀՀ ոստիկանության հասարակայնության հետ կապերի վարչությունից:
Աշոտ Ավետիսյանին մեղադրանք է առաջադրվել ՀՀ Քրեական օրենսգրքի 258 հոդվածի 3-րդ մասի 4-րդ կետի հատկանիշներով (խուլիգանություն), որի համար նախատեսվում է պատիժ ուղղիչ աշխատանքներով՝ մեկից երկու տարի ժամկետով, կամ ազատազրկմամբ՝ առավելագույնը հինգ տարի ժամկետով:
Հիշեցնենք, որ հունվարի 18-ին խուլիգանություն կատարելու կասկածանքով Երևանի Արաբկիրի բաժին բերման է ենթարկել 1963 թ. ծնված Աշոտ Ավետիսյանը: Ա. Ավետիսյանը նույն օրը ձերբակալվել է և նրան մեղադրանք է առաջադրվել ՀՀ Քրեական օրենսգրքի 258 հոդվածի 3-րդ մասի 4-րդ կետի հատկանիշներով:
