Ադրբեջանական APA լրատվական գործակալության փոխանցմամբ՝ պաշտոնական Թեհրանը նախազգուշացրել է Հարավային Կորեային, որը հայտարարել է Իրանի նկատմամբ պատժամիջոցներին միանալու և Իրանի հետ իր առևտրային կապերը սահմանափակելու մտադրության մասին.
Հարավային Կորեայում Իրանի դեսպան Ահմեդ Մասումիֆերը հայտարարել է, որ պաշտոնական Սեուլի այդ քայլը կհարվածի հենց իրեն. «Պաշտոնական Սեուլն այդ քայլին գնալուց առաջ պետք է մտածի իր ազգային ու տնտեսական շահերի մասին։ ԱՄՆ-ի պատժամիջոցները վտանգավոր են ոչ թե Իրանի, այլ՝ հակառակ կողմի համար։
Այդպիսի որոշում ընդունելու պարագայում Հարավային Կորեայի կառավարությունն ամենաշատը կվնասի իրեն։ Իրանի համար դժվար չէ իր նավթի գնորդներ փնտրելը, քանի որ ներկայումս արտադրվում է 80 միլիոն բարել նավթ, իսկ պահանջարկը կազմում է 90 միլիոն բարել»։
