Sony Ericsson ընկերությունը հայտնել է չորրորդ եռամսյակի ցնցող կորուստների մասին` դրանք բացատրելով ուժեղ մրցակցությամբ, համաշխարհային ճգնաժամով և վերակազմավորմամբ:
Ինչպես հաղորդում է Reuters գործակալությունը, ընկերությունը կորուստների մասին հայտնել է մինչև չորրորդ եռամսյակում 247 միլիոն եվրո (316,57 միլիոն դոլար) հարկը մուծելը:
«Չորրորդ եռամսյակի արդյունքների վրա ազդել են ինտենսիվ մրցակցությունը, անբարենպաստ միկրոտնտեսական իրավիճակը և վերջերս Թաիլանդի ջրհեղեղը»,- հայտնել է Sony Ericsson-ի տնօրեն Բերտ Նորդբերգը:
Աշխարհում իր մեծությամբ իններորդ տեղը զբաղեցնող հեռախոսների արտադրողը բաց է թողել սմարթֆոնների բումը, որը նպաստել է մրցակիցների՝ Apple Inc և Samsung Electronics ընկերությունների աճին:
Հիշեցնենք՝ անցած տարի հայտնի դարձավ, որ հունվարի վերջին կամ փետրվարի սկզբին Sony Ericsson-ն ամբողջությամբ անցնելու է Sony-ի վերահսկողության տակ, որը ցանկանում է, այլ էլեկտրոնային ապրանքների հետ, ընդգրկվել հեռախոսների արտադրության մեջ: Վերլուծաբանների կարծիքով՝ այն բարելավելու է բջջային հեռախոսների արտադրողների ցուցանիշները: