2011 թվականին Ճապոնիայի զբոսաշրջիկների թիվը նախորրդ տարվա համեմատ նվազել է 24,4 տոկոսով: Այս մասին հայտնում է CNN-ը` վկայակոչելով երկրի վիճակագրական տվյալները:
2011 թվականի մարտին տեղի ունեցած ցունամիի, ուժեղ երկրաշարժի և դրա հետևանքով «Ֆուկուսիմա-1» ԱԷԿ-ի վթարի պատճառով 2011 թվականին Ճապոնիա է այցելել 7,14 միլիոն մարդ: 2010 թվականի զբոսաշրջիկների թիվը հասնում էր 9,45 միլիոնի:
Ճապոնիայի կառավարությունը միջոցներ է փնտրում զբոսաշրջիկներին ներգրավելու համար: Մասնավորապես, Ճապոնիայի իշխանությունները բանակցություններ են վարում Հարավային Կորեայի հետ, որի բնակիչները 2010 թվականին կազմել են Ճապոնիայի զբոսաշրջիկների 28,3 տոկոսը:
Ճապոնիայի զբոսաշրջության համար ամենավատ ամիսը աղետին հաջորդած ապրիլ ամիսն էր: