ԱՄՆ իշխանությունները 32-ամյա նյույորքցի ծրագրավորող Բո Չժանին մեղադրել են 9,5 միլիոն դոլար արժողությամբ բանկային քարտի ծածկագիրը գողանալու մեջ:
Ինչպես հայտնում է Reuters գործակալությունը, ծրագրային ծածկագիրը , որը պատկանում է ԱՄՆ ֆինանսների նախարարությանը, ապօրինաբար սքան է արել Բո Չժանը: Նա աշխատել է Նյու Յորքի Դաշնային պահուստային բանկում՝ որպես արտահաստիքային աշխատակից:
Ծածկագիրը նախատեսված էր գումարային փոխանցումների համար, որն իրականացվում էր ԱՄՆ իշխանությունների կողմից: Նրա օգնությամբ կազմվում է կառավարական գործակալությունների ֆինանսական հաշվետվությունները:
Ծրագրավորողը, համաձայն իր ցուցմունքների, այդ ծածկագիրը ձայնագրել է կոշտ սկավառակի վրա՝ այն անձնական նպատակներով օգտագործելու համար:
Բո Չժանը ընդունել է իր մեղքը և ձերբակալվել հունվարի 18-ին: Եթե ապացուցվի նրա մեղավորությունը, ապա նա կդատապարտվի 10 տարվա ազատազրկման: Բո Չժանը ազատ է արձակվել 200 հազար դոլար գրավի դիմաց: Դատարանի հաջորդ նիստը տեղի է ունենալու փետրվարի 17-ին:
