Այսօր Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում Մարգար Օհանյանի և մյուսների դատաքննությունը սկսվել է փոքրիկ միջադեպով:
ԱԺ պատգամավոր Հարություն Կարագյոզյանը ցանկացել է մտնել նիստերի դահլիճ, բայց դատական կարգադրիչները և դատավորը նրան թույլ չեն տվել մնալ նիստերի դահլիճում` պատճառաբանելով, որ դահլիճը մարդաշատ է: Վերջինս սկսել է բարձրաձայն դժգոհել և հայհոյել` ասելով, որ ինքը պատգամավոր է, և իրավունք չունեն իրեն արգելել` ներկա լինելու դատական նիստին: Դատավորը սաստել է նրան` նշելով, որ պատգամավորը պետք է իրեն պատգամավորի նման պահի, և վերջինիս դուրս են հրավիրել:
Այսօրվա դատական նիստում հարցաքննվեցին մի քանի վկաներ, հիմնականում ՃՈ գումարտակների վաշտերի հրամանատարներ, ովքեր նույնաբովանդակ ցուցմունքներ տվեցին այն մասին, որ փաստաթղթում նշված բենզինի չափաքանակից ավելի քիչ բենզին են ստացել:
Հաջորդ դատական նիստը կկայանա հունվարի 27-ին, ժամը 11-30-ին:
Լուսանկարը`Գագիկ Շամշյանի
