Ա.Գրիգորյան. Թողել ենք, որ իշխանությունը քայլեր կատարի

Եվրախորհրդում Հայ ազգային կոնգրեսի ներկայացուցիչ Արման Գրիգորյանը, ամփոփելով 2010 թվականը, կարծիք հայտնեց, որ Հայաստանի իշխանությունները ԵԽ բանաձևի հիմնական պահանջները չեն իրականացրել: Նա մասնավորապես առանձնացրեց Եվրախորհրդի վերջին 1677 բանաձևը, որում ամրագրված կարևոր պահանջները, ինչպիսիք են քաղբանտարկյալների գոյությունը Հայաստանում, մարտի 1-ի վերաբերյալ չիրականացրած բացահայտումները, ազատ հեռուստաընկերությունների գոյության և հավաքների խնդիրը, լուծում չեն ստացել: Արման Գրիգորյանը ընդգծեց, որ ԵԽ որոշ պահանջներ իրականացվել են, ինչը բավարար չէ, քանզի դրանք հիմնականում կատարվել են արտաքին ճնշումների, ինչպես նաև ընդդիմության գործողությունների հետևանքով: «Ընդդիմությանը հաճախ մեղադրում են արտաքին ճնշումներին նպաստելու համար, սակայն մենք երբեմն դադարներ ենք տվել և թողել, որ իշխանությունը քայլեր կատարի: Ցավոք, պետք է նշեմ, որ առաջիկայում նոր ճնշումներ են լինելու, քանզի սպասվում է Թոմաս Համարբերգի այցելությունը Հայաստան, իսկ հետագայում փաստահավաք առաքելությամբ Հայաստան են գալու համազեկուցողները»,- նշեց Արման Գրիգորյանը: