Ուկրաինայի նախագահ Վիկտոր Յանուկովիչը հայտնել է, որ Տիմոշենկոյի դեմ հարուցված քրեական գործի քննությունն ու դատավարությունը կլինեն թափանցիկ: Այս մասին հաղորդում է РБК-Украина կայքը: Նա ասել է, որ շահագրգռված է, որպեսզի Տիմոշենկոն հնարավորություն ունենա իրավական տեսակետից պաշտպանելու իրեն, ինչպես նաև իր ենթականերին (որոնք անցնում են այս գործով.- 1in.am):
Նա վստահեցրել է, որ Տիմոշենկոյի գործում քաղաքականություն ընդհանրապես չկա:
Կրկին հանդիպում ենք մի դեպքի, երբ լիովին բացակայում է անմեղության կանխավարկած հասկացությունը: Քրեական գործը դեռ չի ավարտվել, իսկ Յանուկովիչն արդեն խոսում է դատավարության մասին:
Հիշեցնենք, որ Ուկրաինայի նախկին վարչապետ Յուլիա Տիմոշենկոյի դեմ հարուցվել է քրեական գործ, որով նա մեղադրվում է պետությանը մեծ չափերի վնաս հասցնելու համար:
