Ռուսական Интерфакс գործակալության փոխանցմամբ՝ Եվրոպայի և Եվրասիայի հարցերով ԱՄՆ փոխպետքարտուղար Ֆիլիպ Գորդոնն անդրադարձել է Իրանի խնդրին.
«ԱՄՆ-ը մտադիր չէ զենքի դիմել՝ Իրանի միջուկային ծրագրի հարցը լուծելու համար, քանի դեռ Իրանը մարտահրավերներ չի նետել միջազգային հանրությանը։ Մենք շեշտը դնում ենք ոչ թե զինուժի կիրառման, այլ՝ տնտեսական ճնշման, դիպուկ պատժամիջոցների ուժեղացման վրա։
Մենք անում ենք մեզանից կախված ամեն ինչ՝ մոբիլիզացնելու համար դիվանագիտական ճակատը։ Մենք նախկինի նման պատրաստ ենք ընթանալ այդ ուղով, սակայն Իրանին պարզորոշ հասկացրել ենք, որ եթե Իրանը մարտահրավերներ նետի միջազգային հանրությանը, ապա դա անհետևանք չի մնա»։