Հունվարի 16-ին Կանադայում ՀՀ դեսպան Արմեն Եգանյանը հանդիպել է Կանադայի Ներգաղթի և Քաղաքացիության հարցերով նախարար Ջեյսոն Քենիի հետ:
ՀՀ ԱԳՆ մամլո գրասենյակից «Առաջին լրատվական»-ին տեղեկացնում են, որ կողմերը քննարկել են հայ-կանադական հարաբերությունների տարբեր ասպեկտները, կանադահայ համայնքի դրական դերը միջպետական հարաբերություններում և հայ-կանադական բարեկամության զարգացման հեռանկարները:
Նախարար Քենիի խնդրանքով ՀՀ դեսպանը ներկայացրել է Հայաստանի մոտեցումները տաարածաշրջանային խնդիրների վերաբերյալ, ԼՂ հիմնահարցի շուրջ ընթացող բանակցությունների ընթացքը, Հայաստանի ներկա տնտեսական իրավիճակը:
Ջ. Քենին իր համակրանքն է հայտնել կանադահայ համայնքի, ինչպես նաև առհասարակ, հայ ժողովրդի և նրա մշակութային ժառանգության վերաբերյալ: