Հանգստյան օրերին Մոսկվայում տեղացած այսպես կոչված «սառցե անձրևից» հետո քաղաքը հայտնվել էր «սառցե» պատյանում: Ինչպես հայտնում են Մոսկվայի արտակարգ իրավիճակների ծառայությունից, մի քանի հարյուր ծառեր կոտրվել են սառույցի ծանրությունից, մոտ կես միլիոն մարդ Մոսկվայում և հարակից շրջաններում մնացել են առանց էլեկտրաէներգիայի: Հոսանքազրկման պատճառով մեկ օր շարունակ չի գործել քաղաքի Դոմոդեդովո օդանավակայանը, իսկ Շերեմետևոն և Վնուկովոն աշխատել են արտակարգ ռեժիմով: Այս պահին հայտնի է, որ կտրված լարերի մեծ մասը վերականգնված է, իսկ Դոմոդեդովո օդանավակաայնը գործում է, իրականացվում են միայն ներքին չվերթներ:
«Սառցե անձրևն» առաջանում է այն ժամանակ, երբ մթնոլորտի վերին շերտերում այն ունենում է անձևի տեսք, իսկ հասնելով ներքևի շերտերին, որտեղ ջերմաստիճանն ավելի ցածր է, վերածվում է սառույցի` պատելով ծառերը, հոսանքալարերը և պատճառ դառնում բազմաթիվ վթարների: