«Առաջին լրատվական»-ի տեղեկություններով` երեկ «Նիկո» կահույքի սրահի մոտ կրակոցներով ուղղորդված վեճի հետ կապված արդեն իսկ 30-ից 40 մարդ է բերման ենթարկվել և հարցաքննվել, սակայն ձերբակալությունների մասին տեղեկություններ դեռևս չկան:
Հիշեցնենք, որ հունվարի 17-ին «Նիկո» ՍՊԸ նախագահը դիմել է ոստիկանության Արաբկիրի բաժին և հայտնել, որ ժամը 16.30-ի սահմաններում մի քանի երիտասարդներ փորձել են մտնել Տիգրանյան փողոցում գտնվող «Նիկո» կահույքի սրահ, սակայն ինքը թույլ չի տվել, որից հետո նրանք սրահի դիմաց վիճաբանել են իր եղբորորդու հետ, իսկ 10 րոպե անց հնչել են կրակոցներ, ինչի հետևանքով վնասվել են սրահի պատուհանի ապակիները:
Նույն օրը, ժամը 18.45-ին, ոտքի հրազենային վնասվածքով հիվանդանոց բուժօգնության է դիմել 23-ամյա Տիգրան Հ.-ն, որը, ըստ բժշկի տեղեկանքի, ի վիճակի չի եղել բացատրություն տալու:
